मन....

मन.....
मन..किती महान रहस्यं लपलेली असतात फक्त या दोन अक्षरी शब्दात ! खरंच काय आहे हे मन म्हणजे ?जगातील प्रत्येक माणूस म्हणजे मनोभावनांच्या असंख्य दोरखंडांशी जखडलेला एक हत्तीच नसतो काय? जिथल्या तिथं एकसारखा हलणारा ! अस्वस्थ ! तरीही स्वत:ला स्वतंत्र आणि सामर्थ्यवान समजणारा ! आणि ज्याला 'मन,मन' म्हणतात ते म्हणजे तरी दुसरं-तिसरं काय आहे? तो एक खेकडाच नसतो काय? किती असंख्य भावनांच्या नांग्या असतात त्याला! वळवळणा-या, आपली तीक्ष्ण टोकं आसपासच्या वाळूत रुतविणा-या !तरीही एकमेकींना आधार देत देत मधल्या देहाचं ओझं तसंच पुढं पुढं ओढणा-या !माणसाच्या भाव-भावना अशाच नाहीत काय? प्रेम,द्वेष,त्याग,लोभ,स्नेह,तिरस्कार,ममता,क्रोध सगळ्या सगळ्या त्या मानाच्या नांग्या! स्वत:च्या क्षेत्रात हव्या तशा वळवळणा-या ! तरीही देहाला पुढं पुढं सावरीत नेऊ पाहणा-या !कुठं ? ते मात्र कुणालाच सांगता येत नाही !